NASA-da işləyən bir qadın müxtəlif yaşlarda baş verən üç ürək tutmasından danışıb və bu müddət ərzində başqa bir dünya gördüyü bildirib.
Bu barədə "The Mirror" qəzeti məlumat yayıb.
İnqrid Honkalanın sözlərinə görə, o, müvafiq təcrübəni iki, 25 və 52 yaşlarında yaşayıb. Birinci halda o, evdə buzlu su ilə dolu çənə düşüb. Qorxu əvəzinə o, hüzur və səssizlik hiss edib.
"Mən özümü həyatın özü ilə tam bir bütöv kimi hiss edirdim, sanki adətən kim olduğumuzu müəyyən edən sərhədlər yox olmuşdu", - deyə o bildirib.
Həmin an qızcığaz dünyanın üzərində pərvaz edib və həmin vaxt evdən bir neçə məhəllə uzaqda olan, işə gedən anasını görüb.
Honkala 25 yaşında qəzaya düşüb, 52 yaşında isə əməliyyat zamanı onun arterial təzyiqi qəfil aşağı düşüb. Hər iki halda o, eyni hissləri keçirib.
O əlavə edib ki, insanların başqa dünya adlandırdığı şey, əslində fərqli bir məna kəsb edir.
"Bu, fiziki hisslərimizdən kənarda mövcud olan reallığın daha dərin qatına qərq olmaq kimi idi", - deyə amerikalı qadın qeyd edib.
O, sözlərin köməyi olmadan onunla ünsiyyət quran "Nur Varlıqları"nı gördüyünü də əlavə edib. Yaşananlar onu elmi karyera qurmağa sövq edib.