Gülüş sağlamlığı yaxşılaşdırır və inanılmaz müsbət nəticələri olur.

Bu barədə "Publimetro" ekspertlərə istinadən məlumat yayıb.

Həkimlərin fikrincə, gülüşün həm qısamüddətli, həm də uzunmüddətli faydaları var. Bunlardan birincisinə orqan və toxumaların oksigenləşməsi, stress reaksiyasının azalması, qan dövranının yaxşılaşması və əzələlərin rahatlaması daxildir.

Gülüşün uzunmüddətli sağlamlıq faydalarına gəlincə, həkimlərin fikrincə, o, ağrıları yüngülləşdirə, immuniteti gücləndirə, əhval-ruhiyyəni yaxşılaşdıra və psixi pozğunluq riskini azalda bilər. Bu baxımdan, onlar mümkün qədər tez-tez gülməli fotolara, xatirələrə, filmlərə və jurnallara baxmağı, zarafatlar və gülməli videolar olan internet saytları axtarmağı tövsiyə edirlər.