Bu iki sağlamlıq cihazı mütləq evdə olmalıdır.

Bu barədə həkim və teleaparıcı Aleksandr Myasnikov “Rossiya 1” kanalındakı verilişində deyib.

"Hesab edirəm ki, evdə bəzi elementar şeylər olmalıdır, xüsusən də insan yaşlıdırsa", - deyə həkim bildirib. Onun fikrincə, evdə aparılan diaqnostika bəzi xəstəliklərin ağır gedişatının qarşısını ala bilər.

Myasnikov insanlara evlərində qanda qlükoza səviyyəsini ölçmək üçün qlükometr və nəbzi ölçmək üçün isə nəbz oksimetri saxlamağı tövsiyyə edib.

Bundan əlavə, həkim hesab edir ki, evdə sidik qabları və test zolaqları da olmalıdır ki, bu da sidikdə zülalın tərkibini və infeksiyaları tez yoxlamaq imkanı verir.