Hətta qismən buna nail olublar. Faktiki həm rus orudusuna qarşı ciddi antipatiya formalaşdırılıb, həm ictimai rəyə təsir göstərilib. Əlbəttə, rus sülhməramlılarının davranışları, onların terrorçu Araik Arutyunyanla mehribanlığı cəmiyyətdə etirazla qarşılanır. Amma Qərb mediasının məsələləri körükləməsi də nəzərdən qaçırıla bilməz.
Onsuz da Qərbi və onun bir sıra nüfuzlu KİV-lərini 44 günlük Vətən müharibəsində yaxından tanıdıq. Onların qərəzi, aşkar ermənipərəst yanaşması göz deşirdi. Elə Azərbaycanın işğalla barışmasını da məhz onlar istəyirdilər. Bu gün isə Azərbaycanla Rusiya sülhməramlılarını “üz-üzə” qoymağa çalışırlar.
İndi onların mövqeyinə niyə inanmalıyıq? Qərbdəki dairələr media vasitəsilə hansı dərin çatları yaratmaq istəyirlər?
Biz sülhməramlıların missiyalarını onların nəzərinə çatdırmalıyıq, qınaqları, narazılıqları dilə gətirməliyik, şübhəsiz ki, zaman-zaman onların fəaliyyətindən hansısa giley-güzarımız olacaq, sona qədər kristal iş görəcəkləri gözlənilmir, amma Qərb mediasının qızışdırıcı təbliğatına da köklənmək səriştəsizlik olardı. Məsələn, “Brussels Times” portalında İqor Pliner yazır ki, Qarabağda atəşkəs sazişi Rusiyadan ötrü özəl bir qələbədir:
“Moskva təkcə Avropa Birliyinin qonşuluğunda təhlükəsizliyin qarantı kimi mövqeyini möhkəmlədib hərbçi sayını artırmadı. AB-nin özünü pis göstərməsi onu regiondan kənarlaşdırılma riski ilə üzləşdirdi”.
“BBC News”un əməkdaşı Stiv Rozenberq isə yazır ki, altı həftəlik müharibə Rusiyanın keçmiş imperiyanın hüdudlarında qol-qanadını “sındırdı”.
Onun fikrincə, Türkiyə bu regionda Moskvaya rəqib oyunçu kimi ortaya çıxdı. Kreml NATO üzvü Türkiyədən müşahidəçilərin Cənubi Qafqazda atəşkəsi monitorinq etməsinə razılıq verməli oldu.
“Qarabağda baş verənlər Moskvanın təkcə Cənubi Qafqazda deyil, postsovet məkanının qalan hissəsində nüfuzuna geosiyasi fəlakət yaratdı”, - siyasi şərhçi Konstantin von Eggert belə bir qənaətini bölüşüb.
Gürcüstan Təhlükəsizlik Siyasəti İnstitutunun direktoru David Braqvadze BBC-yə deyib ki, Rusiya bu günə qədər ərazisində heç bir Rusiya hərbçisinin olmadığı Azərbaycanda və münaqişədə hərbi mövcudluğunu bərqərar edərək imzalanmış sazişdən ən çox qazanan tərəfə çevrilib. O hesab edir ki, Rusiya sülhməramlılarının yerləşdirilməsi Qarabağ münaqişəsinin həllinə nəinki kömək etməyəcək, əksinə, uzada bilər.
Göründüyü kimi, Qərb mediasında müxtəlif səpkidə yazılar dərc olunur və əsas vurğu rus sülhməramlılarının “təhlükəliliyi” barədədir.
Buradan çıxan nəticə odur ki, Qərb KİV-lərə hələ uzun müddər rus ordusunun Qarabağdakı fəaliyyətindən yazacaqlar.
Elxan Şahinoğlu: "Vaşinqtonun Dağlıq Qarabağ münaqişəsinin ədalətli həllini sürətləndirməyə marağı yoxdur"
“Atlas” Araşdırmalar Mərkəzinin rəhbəri Elxan Şahinoğlunun “Yeni Müsavat”a bildirdiyinə görə, Qərb dairələri deməsələr belə, sülhməramlıların fəaliyyətindən narazıyıq. “Gah separatçılarla şəkil çəkdirirlər, bayraqları ilə yanaşı rus bayrağı qoyulur. Amma rusların hərbi bazası yaradılacağına inanmıram. Həmin bazanın infrastrukturu, logistik daşımaları olmalıdır. 1960 nəfərlə hərbi baza qurmaq mümkün deyil. Düzdür, Rusiyanın istəyi ola bilər, amma buna imkan verə bilmərik”,- deyə, politoloq qeyd etdi.
E.Şahinoğlu hesab edir ki, Türkiyənin bölgədə olmasını arzulamağımız da məhz bundan irəli gəlir: “Rusiyanın istəklərini Qərb mətbuatı mesaj kimi çatdıra bilər, yəni Azərbaycana təhlükəli planları var. Qərb mediasının dili ilə deyilə bilər ki, bundan narahatıq, guya Azərbaycanla əlaqələrə təsir edəcək. Ancaq müharibə göstərdi ki, Rusiyanın Ermənistanda hərbi bazası oluğu halda Qərb İrəvanı dəstəklədi.
Rus qoşunları və Azərbaycan ordusu Qarabağda » "Dünya" informasiya agentliyi
Azərbaycan Qərblə geniş əməkdaşlıq əlaqələri qurur, Rusiyanın bizdə hərbi bazası yoxdur, amma işğalçıları dəstəklədilər. Xüsusən başda Fransa olmaqla, bir sıra Avropa ölkələri ədalətli mövqe tutmadılar. Ona görə Qərb mediasının yazdıqlarına əhəmiyyət vermədən öz maraqlarımıza fikir verməliyik, rus hərbçilərin Qarabağda sayının artmasına imkan yaratmamalıyıq".
“Yeni Müsavat”