Valideynlər uşaqlarının hansı gün dərsə gələcəyi ilə bağlı məlumatı məktəblərdən alacaqlar.

Oxu.Az-ın müxbiri Təhsil Nazirliyinin brifinqindən xəbər verir ki, bunu Təhsil naziri Emin Əmrullayev deyib.

Onun sözlərinə görə, bu barədə qərarlar məktəbdə sinif otaqlarının genişliyindən asılı olacaq:

“Mütləq deyil ki, məsələn, ikinci siniflər hamısı eyni günlərdə məktəbə gəlsin. Ola bilər ki, 2a sinfi həftənin bir günü, 2b sinfi isə digər günləri gəlsin. Bu bölgü müvafiq qaydalara uyğun şəkildə təşkil ediləcək”.