Almaniyada yaşayan jurnalist Həsən Babayev İqtisadiyyat Nazirliyinin tabeliyində olan Dövlət Əmlak Xidmətində özəlləşmə məsələsi ilə bağlı üzləşdiyi problemə görə nazir Mikayıl Cabbarova müraciət edib. O, bildirib ki, Əmlak Məsələləri Dövlət Komitəsinə(indiki Əmlak Məsələləri Dövlət Xidməti) bütün müvafiq sənədlərin təqdim edilməsinə baxmayaraq, 9 aydır problem həllini tapmır.
Xeberleragentliyi.com unikal.org-a istinadən müraciəti təqdim edir:
"Cənab nazir Mikayıl Cabbarov, mən Sizi prezident İlham Əliyevin xüsusi etimad göstərdiyi, inandığı, rüşvətə və korrupsiyaya qarşı mübarizə aparan bir dövlət məmuru kimi tanıyıram.
Bu səbəbdən müraciətimə tərəfinizdən müsbət reaksiya veriləcəyinə inandığım üçün Sizə Almaniyadan açıq məktubla müraciət edirəm.
Hörmətli Mikayıl müəllim, rəhbərlik etdiyiniz İqtisadiyyat Nazirliyinin tabeliyində ola Dövlət Əmlak Xidmətinə (Biz müraciət edən zaman Əmlak Məsələləri Dövlət Komitəsi idi)
Yeni Yasmal, Əsəd Əhmədov 31(Dadaş Bünyatzadə31) ünvanındakı mənzilimizin bizim istifadəmizdə olan 32.8 kv.m zirzəmisinin özəlləşdirilməsi ilə bağlı 2019-cu ilin sentyabr ayının 20-də etdiyimiz müraciət icraata götürülərək Xidmətin(Komitənin) ərazi idarəsinin məsul şəxsləri tərəfindən özəlləşmə perspektivinin olması barədə Dövlət Əmlakının Özəlləşdirilməsi və İcarəyə Verilməsi şöbəsinə rəy göndərilib. Bundan başqa, özəlləşmənin icra edilməsi üçün müvafiq qanunvericiliyin tələblərinə uyğun olaraq, aidiyyati üzrə Yasamal rayonu Mənzil Kommunal Təsərrüfatı Birliyindən verilmiş, 22.12.2019-cu il tarixli, 1556/g nömrəli, Əsəd Əhmədov 31 (Dadaş Bünyatzadə 31) ünvanındakı zirzəminin özəlləşdirilməsi ilə bağlı razılıq ərizəsi 28.12.2019 cu il tarixdə Əmlak Məsələləri Dövlət Komitəsinin ümumi şöbəsinə təqdim edilib.
2019-cu ilin sentyabr ayından bu günə qədər yazdığım müraciətlərə sədr müavini Rafiq Cəlilov tərəfindən verilən cavab ondan ibarət olub ki, özəlləşmə ilə bağlı Komitədə tədbirlər görüləcək.
Təəssüflər olsun ki, bütün müvafiq sənədlərin təqdim edilməsinə baxmayaraq Komitədə görülən tədbirlərin müsbət nəticəsi yoxdur.
Cənab Nazir, Qeyd etdiyim özəlləşmə prosesinin tez bir zamanda icraası üçün Əmlak Məsələləri Dövlət Xidmətinin rəhbərliyinə göstəriş verməyinizi xahiş edirəm. İnanıram ki, Sizin müdaxiləniz olarsa, daha 9 ay gözləmək məcburiyyətində qalmayacağıq.