Milli Məclisin deputatı Ağalar Vəliyev ,Goranboy rayon İcra Hakimiyyətinin başçısı Məhərrəm Quliyev və rayon ictimaiyyətinin nümayəndələri Zeyvə kənd sakini ,Böyük Vətən müharibəsinin iştirakçısı Misri Əsədovun evinə baş çəkərək ,müharibə veteranı ilə görüş geçiriblər . Görüşdə , Böyük Vətən müharibəsi veteranı Misri Əsədova rayon icra Hakimiyyətinin Başçısı Məhərrəm Quliyev Azərbaycan Prezidenti İlham Əliyevin Böyük Vətən müharibəsi iştirakçılarının yubiley medalı ilə təltif edilməsi haqqında Sərəncamına uyğun olaraq “Böyük Vətən müharibəsində Qələbənin 75 illiyi (1945–2020)” Azərbaycan Respublikasının yubiley medalını təqdim edib . Misri Əsədov yubiley medalı ilə təltif olunması və ümumiyyətlə dövlət başçısı tərəfindən Böyük Vətən müharibəsi veteranlarına göstərilən maddi və mənəvi qayğıya görə öz dərin təşəkkürünü bildirib .