Millət vəkili Ülvi Quliyev karantin günləri ilə bağlı sosial şəbəkədə paylaşım edib.

“Yeni Sabah” xəbər verir ki, deputatın paylaşdığı video izləyicilər tərəfindən maraqla qarşılanıb.

Videoda karantin günlərində Bakıdan çəkilmiş görüntülər nümayiş olunur, boş küçələr görünür: “Səbr elə Azərbaycan! Yenə küçələr, parklar, şəhərimiz canlanacaq. Yenə hər kəs işinin başında olacaq. Bayrağımız başımızın üzərində dalğalanacaq. Yenə bütün dünya Azərbaycana toplanacaq. Çünki biz Azərbaycanıq...

Doğmalarımızla bu günlərdə yan-yana gələ bilməsək də, onlarla eyni səma altında olduğumuzu düşünərək səbr edək. Əzizlərimizə qovuşmaq üçün bir müddət daha evlərimizdə qalaq...”