Ümumdünya Səhiyyə Təşkilatının (ÜST) pandemiya elan etdiyi koronavirus bir sıra ölkələrdə məhkumlar arasında da ciddi narahatlığa səbəb olub.
Braziliyada 1350 məhkum həbsxanadan qaçıb, İranda isə 85 min məhkumun müvvəqqəti olaraq azadlığa buraxılmasına qərar verilib.
Bəs görəsən, ölkəmizdə cəzaçəkmə müəssisələrindəki məhkumlar azadlığa buraxıla bilərmi?
Məsələ ilə bağlı ”MediaPost”un suallarını cavablandıran Nazirlər Kabinetinin mətbuat katibi İbrahim Məmmədov bu barədə hələlik məlumatsız olduğunu deyib.
Pentensiar Xidmətin mətbuat katibi Mehman Sadıqov isə cəzaçəkmə müəssisələrində müvafiq tədbirlər görüldüyünü deyib:
"Koronavirusa qarşı bütün lazımi tədbirlər yüksək səviyyədə həyata keçirilib. Vəziyyət nəzarət altındadır”.