Azərbaycanın Birinci vitse-prezidenti, Heydər Əliyev Fondunun prezidenti Mehriban xanım Əliyevanı doğum günü münasibətilə səmimi-qəlbdən təbrik edirik.
Mehriban xanım Əliyevanın çoxşaxəli fəaliyyəti Azərbaycanın ictimai, mədəni, humanitar və sosial həyatında mühüm yer tutur. Onun rəhbərliyi və təşəbbüsü ilə həyata keçirilən layihələr ölkəmizin milli-mədəni irsinin qorunmasına, təhsil və səhiyyə sahələrinin inkişafına, sosial məsələlərə diqqətin artırılmasına və Azərbaycan həqiqətlərinin dünyaya çatdırılmasına xidmət edir.
Xeyirxahlıq və mərhəmət onun fəaliyyətinin ən mühüm istiqamətlərindən biridir. İnsanların problemlərinə həssas yanaşmaq, ehtiyacı olanlara yardım göstərmək, uşaqlara və ailələrə qayğı ilə yanaşmaq cəmiyyətimizdə yüksək qiymətləndirilən nümunələrdəndir.
Mehriban xanım Əliyevanın fəaliyyəti həm də Azərbaycan mədəniyyətinin və milli irsinin dünyada təbliği baxımından xüsusi əhəmiyyət daşıyır. Ölkəmizin tarixinin, mədəniyyətinin və mənəvi dəyərlərinin beynəlxalq arenada tanıdılması Azərbaycanın nüfuzunun daha da möhkəmlənməsinə böyük töhfə verir.
Bu əlamətdar gündə Mehriban xanım Əliyevaya möhkəm cansağlığı, uzun ömür, ailə səadəti, firavanlıq və fəaliyyətində yeni-yeni uğurlar arzulayırıq.
Doğum gününüz mübarək olsun, hörmətli Mehriban xanım! Azərbaycan naminə gördüyünüz xeyirxah və nəcib işlərdə daim uğurlar Sizinlə olsun!
Hatəm İbrahimov,
Xeyriyyəçi- İş adamı