22 İyul təkcə jurnalistlərin peşə bayramı deyil, həm də sözə, həqiqətə və maarifçiliyə verilən dəyərin ifadəsidir. 1875-ci ildə "Əkinçi" qəzetinin nəşri ilə əsası qoyulan Azərbaycan milli mətbuatı bu gün zəngin ənənələri olan güclü informasiya sisteminə çevrilib. Bu tarix milli jurnalistikamızın keçdiyi şərəfli yolun və qazanılmış uğurların simvoludur.

Mətbuat hər zaman cəmiyyətin güzgüsü olub. O, insanların problemlərini işıqlandırır, dövlət qurumlarının fəaliyyəti barədə ictimaiyyəti məlumatlandırır, elm, təhsil, səhiyyə, mədəniyyət və digər sahələrdə baş verən yenilikləri oxuculara çatdırır. Eyni zamanda, media milli maraqların qorunmasına, vətənpərvərlik ruhunun gücləndirilməsinə və cəmiyyətin maariflənməsinə mühüm töhfə verir.

Bu gün Azərbaycan jurnalistləri böyük məsuliyyətlə fəaliyyət göstərərək ölkənin informasiya təhlükəsizliyinin təmin edilməsində, düzgün və operativ xəbərlərin yayılmasında mühüm rol oynayırlar. Onların zəhməti cəmiyyətin inkişafına xidmət edən dəyərli fəaliyyət nümunəsidir.

22 İyul – Milli Mətbuat Günü münasibətilə ölkəmizin bütün jurnalistlərini, redaktorlarını, operatorlarını, fotoqraflarını, dizaynerlərini və media sahəsində çalışan hər kəsi ürəkdən təbrik edir, onlara möhkəm cansağlığı, ailə xoşbəxtliyi, peşə fəaliyyətlərində böyük uğurlar, tükənməz yaradıcılıq enerjisi və daim həqiqətin keşiyində dayanmağı arzulayırıq. Milli mətbuatımızın inkişaf yolu daim uğurlu və işıqlı olsun!

Namizəd İsmayılov
Qaradağ Rayon Mənzil-Kommunal Təsərrüfatı Birliyi