30.04.2024 tarixdə Mirzə Fətəli Axundzadə adına Şəki şəhər Mədəniyyət Mərkəzinin təşəbbüsü ilə Qoxmuq kənd Folklor Evində kəndin şəhidi Seyidov Əşrəf Cahangir oğlunun 50 illiyinə həsr olunmuş "Adını əbədiyyət zirvəsinə yazanlar" mövzusunda xatirə axşamı təşkil edilib.
Tədbirdə kənd rəhbərliyi və sakinləri,mədəniyyət işçiləri, məktəb kollektivi, şəhid ailələri və qazilər yaxından iştirak edib.
Tədbir Şəhidlər Xiyabanını ziyarət etməklə başlayıb.
Kəndin 18 şəhidinin xatirə lövhəsi önünə gül dəstələri qoyulub.
M.F.Axundzadə adına Şəki şəhər Mədəniyyət Mərkızinin "Mədəniyyətimizi yaşadaq və inkişaf etdirək" layihəsi çərçivəsində keçirilən axşamda, Şəhidin həyat yoluna həsr olunmuş qısametrajlı sənədli film təqdim olunub.
Şəhidlər Xiyabanından başlayan tədbir, şəhidlərə və vətənə həsr olunmuş mahnılarla davam etdirilib.
Sonda xatirə şəkli çəkilib.