İsmayıllıda peşə təmayüllü sinifdə təhsil alan şagirdlər üçün təlim keçirilib
-----
İsmayıllı şəhər 3 saylı-məktəb liseydə “Azərbaycanda təhsil sisteminin dayanıqlılığının gücləndirilməsi və AzMKÇ 5-ci səviyyə kvalifikasiyalarının təkmilləşdirilməsi üçün Elm və Təhsil Nazirliyinə dəstək” adlı texniki yardım layihəsi çərçivəsində Peşə Təmayüllü sinifdə təhsil alan şagirdlər üçün interaktik təlim təşkil olunub.
"İşgüzar dəyərlər", "İş ideaları və əlkimyagizlik" mövzularında olan təlim karyera məsləhətçisi üzrə master trainer, İsmayıllı Rayon Təhsil Sektorunun aparıcı məsləhətçisi Gülnarə Qurbanova tərəfindən keçirilmişdir.
Təlimdə beynəlxalq ekspert Mariana Mataçe, Məktəbəqədər və Ümumi Təhsil üzrə Dövlət Agentliyinin, Təhsil İnstitunun, Peşə Təmayüllü siniflər layihəsinin, Dağlıq Şirvan Regional Təhsil İdarəsinin nümayəndələri və məktəbin rəhbərliyi iştirak etmişdir.