Bakının Xəzər rayonunda yol-nəqliyyat hadisəsi zamanı beş nəfər xəsarət alıb.
APA xəbər verir ki, qəza Qala qəsəbəsi ərazisində qeydə alınıb.
Belə ki, VAZ-2107 markalı avtomobil “Mercedes-Benz” markalı nəqliyyat vasitəsi ilə toqquşub.
Qəza zamanı körpə olmaqla bir ailənin 4 üzvü - 2019-cu il təvəllüdlü Ağaməliyeva Mələk Dadaş qızı, 1988-ci il təvəllüdlü Ağaməliyev Kamal Tofiq oğlu, 1992-ci il təvəllüdlü Ağaməliyev Dadaş Tofiq oğlu və 1996-ci il təvəllüdlü Ağaməliyeva Xatirə Rəsul qızı müxtəlif dərəcəli bədən xəsarətləri alaraq xəstəxanaya yerləşdiriliblər.
Hadisə zamanı 1961-ci il təvəllüdlü İmanov Nadir Kərim oğlu isə ağır xəsarət alıb.
O, xəstəxanaya çatdırılıb. N.İmanovun sol qolu amputasiya edilib.
Faktla bağlı Xəzər Rayon Polis İdarəsində araşdırma aparılır.