Mərkəzi Aran Regional Təhsil İdarəsinin müdir müavini Cavad Cavadov və İdarənin məsul əməkdaşları Mingəçevir şəhəri , Yevlax və Kürdəmir rayonlarında fəaliyyət göstərən ümumtəhsil məktəblərinin direktorları və təlim-tərbiyə işləri üzrə direktor müavinləri ilə görüş keçiriblər.
Görüş zamanı tədrisin keyfiyyətinin yüksəldilməsi, təhsilalanların intizam qaydalarına riayət olunması, məktəb sənədlərinin düzgün və sistemli şəkildə işlənməsi, monitorinqlər zamanı ən çox rast gəlinən nöqsanların aradan qaldırılması və digər təşkilati-pedaqoji məsələlər barədə təqdimatlar edilib, iştirakçılara müvafiq tapşırıqlar və tövsiyələr verilib.
Sonda iştirakçıların mövzu ilə bağlı sualları cavablandırılıb və irəli sürülən təkliflər dinlənilib.
#MərkəziAranRTİ #ElmVəTəhsilNazirliyi #ÜmumiTəhsil #İntizamQaydaları #TədrisinKeyfiyyəti #Maarifləndirmə #TəhsilGörüşü