Sentyabr ayının 20-də Mərkəzi Aran Regional Təhsil İdarəsinin tabeliyində fəaliyyət göstərən ümumi təhsil müəssisələrində təhsilalan 172 nəfər X sinif şagirdi və 171 nəfər XI sinif şagirdi olmaqla ümumilikdə 343 nəfər şagird "Əlaçı" televiziya layihəsinin seçim turunda iştirak edib.
Yevlax şəhəri Sahib Əliyev adına 1 nömrəli tam orta ümumtəhsil məktəbində təşkil olunan seçim turunda Mərkəzi Aran RTİ-nə daxil olan 1 şəhər 6 rayon üzrə ümumi təhsil müəssisələrinin şagirdləri öz biliyini sınamaq üçün dəvət olunub.
Test üsulu ilə keçirilən müsabiqədə şagirdlərə bütün fənləri əhatə edən 50 “açıq tipli suallar təqdim olunub”.
Qeyd edək ki, müsabiqənin yekununa əsasən, ən yüksək nəticə göstərən şagirdlər "Əlaçı" televiziya layihəsinin 22-ci mövsümünün çəkilişlərində iştirak etmək hüququ qazanacaqlar.
Seçim turunda iştirak edən şagirdlərimizə uğurlar arzulayırıq!
#MÜTDA #MərkəziAranRTİ #MərkəziAranRTİEduAz #Müsabiqə #Əlaçı