27-28 dekabr tarixlərində Mərkəzi Aran Regional Təhsil İdarəsinin tabeliyində fəaliyyət göstərən ümumi təhsil müəssisələrinin şagirdləri arasında debat müsabiqəsi təşkil olunub. Müsabiqədə ümumillikdə yeddi komanda iştirak edib.
Gərgin keçən birinci günün nəticələrinə əsasən, Kürdəmir rayonunu təmsil edən komanda üçüncü yerə layiq görülüb. Göyçay rayonu və Mingəçevir şəhərini təmsil edən komandalar isə finala vəsiqə qazanıblar.
Final oyunu 28 dekabr tarixində Mərkəzi Aran Regional Təhsil İdarəsinin inzibati binasında baş tutub. Yekunda hakimlərin yekdil qərarı ilə Mingəçevir komandası müsabiqənin qalibi elan edilib.
Final oyunundan sonra Mərkəzi Aran Regional Təhsil İdarəsinin müdiri vəzifəsini icra edən müdir müavini Cavad Cavadov hər iki komandanı təbrik edərək şagirdlərə gələcək fəaliyyətlərində uğurlar arzulayıb.
#MərkəziAranRTİ #RTİ #ÜmumiTəhsil #QeyriFormalTəhsil #Debat