Elm və Təhsil Nazirliyi tərəfindən elan edilmiş "İcma əsaslı məktəbəqədər təhsil xidmətlərinin təşkili" qrant müsabiqəsi çərçivəsində Mərkəzi Aran Regional Təhsil İdarəsinin tabeliyindəki təhsil müəssisələrində fəaliyyət göstərən layihə rəhbərləri ilə görüş təşkil olunub. Görüş zamanı layihə rəhbərləri öz ideyaları və təqdim etdikləri layihələr barədə ətraflı məlumat veriblər. İdarənin müdiri vəzifəsini icra edən, müdir müavini Cavad Cavadov qrant layihələrinin təhsil sahəsindəki əhəmiyyətini vurğulayıb və bu cür təşəbbüslərin məktəbəqədər təhsilin inkişafına töhfələrindən bəhs edib. Daha sonra iştirakçılara layihələrin effektiv idarə olunması ilə bağlı tövsiyələr və qeydlər çatdırılıb.
Qeyd edək ki, bu proqramın əsas məqsədi məktəbəqədər təhsildən kənarda qalmış uşaqların təhsil xidmətləri ilə təmin edilməsini hədəfləyərək, bu istiqamətdə qrant mexanizminin tətbiqini sınaqdan keçirməkdir.
#MərkəziAranRTİ #RTİ #Məktəbəqədər