Mərkəzi Aran Regional Təhsil İdarəsinin müdiri vəzifəsini icra edən, müdir müavini Cavad Cavadov təhsil müəssisələrinin rəhbərləri ilə görüşüb. Görüşdə yerli təhsil sektorlarının rəhbərləri və əməkdaşları, eləcə də bir sıra təhsil işçiləri iştirak edib. Cavad Cavadov Mərkəzi Aran Regional Təhsil İdarəsinin tabeliyində olan ümumi təhsil müəssisələrində şagirdlərin inkişafı, onların nailiyyətlərinin artırılması ilə bağlı fikir mübadiləsi aparıb, keyfiyyət göstəricilərinin yaxşılaşdırılması istiqamətində tapşırıqlarını verib. Bundan başqa IV və VI siniflər üzrə keçirilən monitorinq nəticələrinin və IX sinif buraxılış imtahanının nəticələrinin izlənilməsi və buna müvafiq olaraq tədbirlərin həyata keçirilməsinin əhəmiyyətindən söz açıb. Daha sonra Cavad Cavadov Respublika fənn olimpiadalarında olan nəticələrin daha da yaxşılaşdırılması istiqamətində atılmalı olan addımlardan danışıb.
Görüş zamanı 2023-2024-cü tədris ilinin nəticələri müzakirə olunub, qarşıda duran prioritet istiqamətlər müəyyən edilib. Region daxilində təhsil siyasətinin düzgün, şəffaf aparılmasının vacibliyindən danışan Cavad Cavadov görüşün sonunda təhsil işçiləri ilə fikir mübadiləsi aparıb.
#MərkəziAranRTİ #EduAz