Mərkəzi Aran Regional Təhsil İdarəsinin tabeliyində olan rayonlar üzrə oktyabr və noyabr aylarında yerli təhsil sektorları tərəfindən ötən tədris ilində keçirilən VI siniflərin monitorinq nəticələrinin təhlili ilə bağlı görüşlər keçirilib. Bu görüşlərdə rayon təhsil sektorlarının müdirləri, sektorların əməkdaşları, məktəb direktorları və müəllimlər iştirak edib.
Görüşlərdə monitorinq nəticələrinin məktəblər üzrə müqayisəli təhlili və tədrisin keyfiyyətinin artırılması istiqamətində müzakirələr aparılıb. Nəticəsi aşağı olan müəssisə rəhbərlərinə və müəllimlərə müvafiq tövsiyə və tapşırıqlar verilib. Görüşlər qarşılıqlı diskussiya şəklində davam edib.
#MərkəziAranRTİ #EduAz #MonitorinqlərinTəhlili