Sentyabrın 16-da Mərkəzi Aran Regional Təhsil İdarəsinin tabeliyindəki ümumi təhsil müəssisələrində Bilik Günü ilə bağlı tədbirlər keçirilib. Tədbirlərdə regional idarənin struktur bölmə rəhbərləri və əməkdaşları, yerli icra hakimiyyəti orqanlarının əməkdaşları, ictimaiyyət nümayəndələri, müəllimlər, şəhid ailələri, valideynlər, şagirdlər iştirak ediblər. Azərbaycan Respublikasının Dövlət Himninin səsləndirilməsi ilə başlayan tədbirlərdə Vətən uğrunda canlarını qurban vermiş şəhidlərin əziz xatirəsi bir dəqiqəlik sükutla yad edilib. Tədbirlərdə çıxış edən şəxslər yeni tədris ili münasibətilə bütün şagirdləri və müəllimləri təbrik ediblər. Tədbirdə iştirak edən qonaqlar ilk dərs prosesini də izləyiblər. Yeni tədris ilində ümumi təhsil müəssisələrində ilk dərslər “Yaşıl dünya naminə həmrəylik” mövzusuna həsr olunub.
Qeyd etmək istərdik ki, 2024-2025-ci tədris ilində Mərkəzi Aran Regional Təhsil İdarəsinin tabeliyində olan ümumi təhsil müəssisələrində ümumillikdə 95831 nəfər şagird təhsil alacaq. Yeni tədris ilində ümumtəhsil məktəblərinin l sinfində 7738, XI sinfində isə 6656 şagird oxuyacaq.
#MərkəziAranRTİ #MərkəziAranRTİEduAz #ÜmumiTəhsil #BilikGünü #SalamMəktəb #Şagird