Dağlıq Şirvan Regional Təhsil İdarəsinin tabeliyində fəaliyyət göstərən Şamaxı Rayon Təhsil Sektoru üzrə 600 bal və daha yüksək nəticə göstərən məzunlarla görüş keçirilib.
Görüşdə Dağlıq Şirvan Regional Təhsil İdarəsinin müdir səlahiyyətlərini icra edən Həmid Qasımov, Şamaxı Rayon İcra Hakimiyyətinin başçısı Tahir Məmmədov, Şamaxı Rayon Təhsil Sektorunun müdiri Məsud Babayev, ATİAHİ-nin Şamaxı rayon komitəsinin sədri Fuad Nəsirov, məktəb direktorları, valideynlər və şagirdlər iştirak edib.
Çıxış edən natiqlər yüksək bal toplayan məzunları təbrik edərək, onlara gələcək həyatlarında uğurlar arzulayıblar.
Qeyd edək ki, Şamaxı rayonu üzrə ümumilikdə 349 nəfər məzun ali təhsil müəssisələrinə qəbul olub ki, onlardan 44 nəfər 500-dən, 13 nəfər isə 600-dən yüksək bal toplayıb.
Məzunlarımızı təbrik edir, onlara gələcək həyatlarında uğurlar arzulayırıq.
#MÜTDA #EduAz #DağlıqŞirvanRTİ #Məzun #AliMəktəbəQəbul #Görüş