Sentyabrın 16-da Heydər Əliyev Fondu tərəfindən Şamaxı rayonunun Bağırlı kənd tam orta məktəbi üçün inşa edilmiş 480 şagird yerlik məktəb binası istifadəyə verilib.
Tədbirdə Heydər Əliyev Fondunun nümayəndəsi Şamil Əzizov, Elm və Təhsil Nazirliyinin Ümumi və məktəbəqədər təhsildə məzmun, tədris və qiymətləndirmə şöbəsinin müdiri Vəfa Yaqublu, Şamaxı Rayon İcra Hakimiyyətinin başçısı Tahir Məmmədov, Dağlıq Şirvan Regional Təhsil İdarəsinin müdir səlahiyyətini icra edən Həmid Qasımov, təhsil işçiləri, müəllimlər, şagirdlər və kənd sakinləri iştirak etmişdir.
Qeyd edək ki, Heydər Əliyev Fondu tərəfindən inşa edilən 3 korpusdan ibarət iki mərtəbəli məktəb binasında 21 sinif otağı, fizika, kimya, biologiya laboratoriyaları, informatika otağı, hərbi təlim və tibb otaqları, əmək təlimi otaqları, qarderob, kitabxana, yeməkxana, akt və idman zalları, açıq idman meydançası vardır.
#MÜTDA #EduAz #DağlıqŞirvanRTİ #HeydərƏliyevFondu #YeniMəktəbBinası