Məzunlara attestatlar təqdim olunur
- - - - -
2023-2024-cü tədris ili üzrə Mərkəzi Aran Regional Təhsil İdarəsinin tabeliyindəki ümumi təhsil müəssisələrində IX və XI sinfi bitirən məzunlara attestatlar təqdim olunur.
Mərkəzi Aran RTİ-nin tabeliyindəki ümumi təhsil müəssisələrinin IX siniflərini 9261 nəfər, XI siniflərini isə 6047 nəfər bitirib. Onlardan ümumi orta təhsil səviyyəsi üzrə 156 nəfər, tam orta təhsil səviyyəsi üzrə isə 302 nəfər təhsilini fərqlənmə attestatı ilə başa vurub. Bu isə ötənilki tədris ili ilə müqayisədə 2.3 dəfə çoxluq təşkil edir.
Qeyd edək ki, attestatlar Nazirlər Kabinetinin qərarı ilə təsdiq edilmiş "Ümumi təhsil pilləsində təhsil haqqında dövlət sənədlərinin nümunələri və onların verilməsi Qaydası” əsasında məzunlara təqdim olunur. Həmçinin ümumi orta təhsil haqqında və tam orta təhsil haqqında fərqlənmə attestatları ümumi orta və ya tam orta təhsil səviyyəsində oxuduğu müddətdə bütün fənlərdən attestata yazılan illik (yekun) qiymətləri 5 (beş) olan və buraxılış imtahanlarında hər bir fənn üzrə ən azı 75 (yetmiş beş) bal toplayan məzunlara verilir.
Onu da qeyd edək ki, məzunlara ümumi orta təhsil haqqında və ya tam orta təhsil haqqında fərqlənmə attestatlarının verilməsi məsələsinə sinif rəhbərinin təqdimatı əsasında məktəbin Pedaqoji Şurasında baxılır və müvafiq qərar qəbul edilir.
Məzunlarımızı təbrik edir, onlara gələcək fəaliyyətlərində və həyatlarında uğurlar arzulayırıq.
#MÜTDA #MərkəziAranRTİ #MərkəziAranRTİEduAz #ÜmumiTəhsil #Attestat