Məktəbəqədər təhsil müəssisələrində təhsil alan uşaqların valideynləri ilə görüş keçirilib
-----
Dağlıq Şirvan Regional Təhsil İdarəsinin müdir müavini Həmid Qasımov və İnzibati Təşkilat Sektorunun müdiri Gülnisə Ələkbərova Şamaxı rayonunda yerləşən məktəbəqədər təhsil müəssisələrində təhsil alan bir qrup uşaqların valideynləri ilə görüşüblər.
Görüşdə Regional İdarənin, Şamaxı Rayon Təhsil Sektorunun əməkdaşları, məktəbəqədər təhsil müəssisələrin müdirləri və tərbiyəçi müəllimlər iştirak ediblər.
Şamaxı şəhər 2 nömrəli tam orta məktəbin akt zalında keçirilən görüşdə valideynlərə uşaq bağçaları ilə əlaqəli olunan yeniliklər və gələcəkdə görüləcək işlərlə əlaqəli məlumat verilmişdir. Daha sonra valideynləri maraqlandıran və narahat edən mövzularla əlaqəli birlikdə müzakirə aparılmışdır.
Sonda valideynlərin sualları cavablandırılmışdır. Regional İdarə rəhbərliyi tərəfindən məktəbəqədər təhsil müəssisələrinin rəhbərlərinə işlərində məsuliyyətli olmaları və valideynlər tərəfindən qeyd edilən məsələlərin həlli istiqamətində işlərin görülməsi tapşırılmışdır.