Katibə-makinaçı (makinaçı) vəzifəsinə işə qəbul üzrə müsabiqənin müsahibə mərhələsi keçirilib
- - - - -
Aprelin 2-də Mərkəzi Aran Regional Təhsil İdarəsinin tabeliyində fəaliyyət göstərən təhsil müəssisələrində vakant olan katibə-makinaçı (makinaçı) vəzifəsinə işə qəbul üzrə müsabiqənin müsahibə mərhələsi keçirilib.
Yevlax şəhər İ.Nəsimi adına 3 nömrəli tam orta məktəbdə təşkil olunan müsahibədə 76 nəfər iştirak edib.
Müsahibə zamanı namizədlərə vəzifə üzrə praktiki bilik və bacarıqlarının yoxlanılması məqsədilə tapşırıqlar təqdim olunub.
Qeyd edək ki, təşkil olunan müsahibəyə ilk olaraq şəhid ailəsinin üzvləri, Qarabağ (Vətən) müharibəsi veteranları (iştirakçıları), müharibədə əlillik dərəcəsi almış şəxslər və onların ailə üzvləri, daha sonra isə digər namizədlər dəvət olunub.
Müsahibə mərhələsində iştirak etmiş bütün namizədlərə uğurlar arzulayırıq!