Direktorların yerdəyişməsi müsabiqəsinin müsahibə mərhələsi davam edir
- - - - -
Aprelin 1-dən Mərkəzi Aran Regional Təhsil İdarəsinin tabeliyində fəaliyyət göstərən şagird sayı 500-dən çox olan ümumi təhsil müəssisələrində vakant olan direktor vəzifələrinə yerdəyişmə müsabiqəsinin növbəti mərhələsi olan müsahibə mərhələsinə başlanılıb.
Bu mərhələdə 40 nəfər namizədin iştirakı nəzərdə tutulur. Qeyd edək ki, müsahibəyə gəlməyən namizədlər müsabiqədə iştirakdan imtina etmiş hesab olunacaq.
Müsahibə mərhələsində namizədlərin direktorluq üçün zəruri texniki bilikləri, yumşaq bacarıqları, liderlik keyfiyyətləri, konflikti idarəetmə bacarığı və digər zəruri keyfiyyətləri yoxlanılır.
Mərkəzi Aran Regional Təhsil İdarəsi şagird sayı 500-dən çox olan ümumi təhsil müəssisələrində vakant olandirektor vəzifəsinə yerdəyişmə müsabiqəsinin müsahibə mərhələsində iştirak edən bütün namizədlərə uğurlar arzu edir!