Sertifikasiya ilə əlaqəli görüşlər davam edir
-----
İsmayıllı, Ağsu və Qobustan rayon ümumtəhsil məktəblərində çalışan və 2024-cü ildə sertifikasiyası keçiriləcək riyaziyyat və xarici dil müəllimləri ilə görüşlər keçirilib.
Görüşlərdə Dağlıq Şirvan Regional Təhsil İdarəsinin İnzibati Təşkilat Sektorunun müdiri Gülnisə Ələkbərova, Rayon Təhsil Sektorlarının müdirləri, həmçinin idarə və sektorun əməkdaşları iştirak ediblər.
Rayon Təhsil Sektorlarında keçirilən görüşlərdə İnzibati Təşkilat Sektorunun müdiri Gülnisə Ələkbərova və sektor müdirləri çıxış edərək sertifikasiya prosesinə hazırlıq və onun əhəmiyyəti, həmçinin bununla əlaqəli digər məsələlər haqqında geniş məlumat veriblər.
Sonda müəllimləri maraqlandıran suallar cavablandırılıb.