İncəsənətin ümumbəşəri dəyərləri var. Bu dəyərlərdən biri gənc nəslin düzgün formalaşmasına dəstəkdir. Buna görə də məktəblilərin sərgi zalları və muzeylərlə tanışlığı cox vacibdir. Elə bu məqsədlə məktəbimizin 7b sinfinin şagirdləri sinif rəhbərləri Sevda Hüseynovanın rəhbərliyi ilə Yarat Müasir İncəsənət Mərkəzinə ekskursiya təşkil etdi. “Varlığımızın bütün imkanlarını kəşf etmək üçün incəsənətə və sosial elmlərə müraciət etməliyik!” devizi ilə nümayiş olunan “Cənnət gözləyə bilər” adlı sərgi və digər ekspozisiiyalar məktəblilərimizin böyük marağına səbəb oldu. Sonda şagirdlərlə intellektual oyun keçirildi.