Oktyabrın 2-də Azərbaycan Respublikası elm və təhsil naziri cənab Emin Əmrullayevin müvafiq əmri ilə Mərkəzi Aran Regional Təhsil İdarəsinin tabeliyində fəaliyyət göstərən ümumi təhsil müəssisələrində çalışan bir sıra təhsil işçiləri Azərbaycan təhsilinin inkişafında göstərdikləri xidmətlərinə görə və 5 oktyabr – Beynəlxalq Müəllimlər Günü münasibətilə müvafiq təltiflərə layiq görülüblər.
Belə ki, elm və təhsil naziri Emin Əmrullayevin müvafiq əmri ilə 11 nəfər müəllim “Azərbaycan Respublikası qabaqcıl təhsil işçisi döş nişanı” ilə, 23 nəfər müəllim isə “Azərbaycan Respublikası Elm və Təhsil Nazirliyinin Fəxri Fərmanı” ilə təltif olunublar.
Mərkəzi Aran RTİ-nin rəhbərliyi və kollektivi əziz və dəyərli müəllimlərimizi təhsilimizin inkişafında göstərdikləri xidmətlərinə görə və 5 oktyabr - Beynəlxalq Müəllimlər Günü münasibətilə təbrik edir və onlara öz peşələrində uğurlar arzu edir.
Təltif olunan müəllimlərimizi Sizlərə təqdim edirik.