Sentyabrın 18-də Mərkəzi Aran Regional Təhsil İdarəsində ümumi təhsil müəssisələrinə yeni təyin olunan məktəb direktorları ilə görüş keçirilib.
Görüşdə Mərkəzi Aran Regional Təhsil İdarəsinin müdiri Elçin Kərimov, idarənin müdir müavini Cavad Cavadov, İnzibati təşkilat sektorunun müdiri Elmin Məmmədtağıyev və yeni işə təyin olunan məktəb direktorları iştirak edib.
Görüşdə Təhsil idarəsinin müdiri Elçin Kərimov müsabiqə nəticəsində seçilən şəxsləri təbrik edib və onlara üzərlərinə düşən şərəfli və məsuliyyətli işdə uğurlar arzulayıb. İdarə müdiri təhsilin keyfiyyətinin yaxşılaşdırılmasının və təhsili idarəetmə sisteminin təkmilləşdirilməsinin əsas hədəflərdən olduğunu qeyd edib və bir sıra vacib məsələləri diqqətə çatdırıb.
Sonda onları maraqlandıran suallara aydınlıq gətirilib.
Qeyd edək ki, Mərkəzi Aran Regional Təhsil İdarəsinin tabeliyindəki ümumi təhsil müəssisələrinə ötənilki və cari tədris il üzrə 66 direktor təyin olunub.