Mükafatlandırma mərasimi keçirilib
- - - - -
Sentyabrın 12-də 2022-2023-cü tədris ilində Mərkəzi Aran Regional Təhsil İdarəsinin tabeliyində fəaliyyət göstərən ümumi təhsil müəssisələrini qızıl və gümüş nişanla bitirən, ali təhsil müəssisələrinə qəbul zamanı 600 baldan yüksək nəticə göstərən və Respublika fənn olimpiadasında qalib olan şagird və məzunlarla görüş keçirilib.
Mərkəzi Aran Regional Təhsil İdarəsinin inzibati binasında keçirilən tədbirdə Mərkəzi Aran Regional Təhsil İdarəsinin müdiri Elçin Kərimov, idarənin müdir müavini Cavad Cavadov, struktur bölmə rəhbərləri, məktəb direktorları, şagird və məzunlar iştirak ediblər.
Tədbir Azərbaycan Respublikasının Dövlət Himninin səsləndirilməsi və Ulu öndər Heydər Əliyevin, vətənimizin bütövlüyü uğrunda canlarından keçən şəhidlərin əziz xatirəsinin bir dəqiqəlik sükutla yad edilməsi ilə başlayıb.
Tədbiri giriş sözləri ilə açan təhsil idarəsinin müdiri Elçin Kərimov 2022-2023-cü tədris ilində şagird və məzunların əldə etdiyi nailiyyətlərdən danışıb. O bildirib ki, ölkəmizdə təhsilin inkişafına göstərilən dövlət qayğısı və təhsil sistemində məktəb şəbəkəsinin genişləndirilməsi və yeni inkişaf meyillərinin meydana çıxması ümummilli lider Heydər Əliyevin adı ilə bağlıdır və bu gün də Azərbaycan Respublikasının Prezidenti İlham Əliyevin rəhbərliyi ilə uğurla davam etdirilir. İdarə müdiri çıxışında ali təhsil müəssisələrinə qəbul imtahanlarında 52 məzunun 600 baldan yüksək nəticə göstərdiyini, eyni zamanda Respublika fənn olimpiadalarında 14 nəfərin qalib olduğunu və 6 nəfər məzunun isə ümumi təhsil pilləsini xüsusi nailiyyətlərlə başa vurduğu üçün qızıl və gümüş nişanla təltif olunduğunu vurğulayıb.
Daha sonra RFO qalibləri, yüksək bal toplayan məzunlar və təhsil işçiləri öz ürək sözlərini tədbir iştirakçılarına çatdırıblar. Sonda sözügedən olimpiadanın qaliblərinə, eyni zamanda 600 baldan yüksək nəticə göstərən məzunlara qiymətli hədiyyələr təqdim olunub.