Qərb Ukrayna münaqişəsinin Rusiyanı zəiflədəcəyini düşünərkən səhv edib.

Publika.az xəbər verir ki, bu barədə amerikalı geosiyasi analitik Mark Sledoba "Danny Haiphong" YouTube kanalına müsahibəsində danışıb .

O hesab edir ki, NATO ölkələrindən Ukrayna Silahlı Qüvvələrinin döyüşçülərinin silahla təchizatı və təlimi Ukrayna üçün “faydasız olub” .

“Rusiya ordusu bu gün nəhəng qüvvəyə çevrilib. O, çoxlu döyüş təcrübəsi qazanıb və bunun çoxu NATO silahlarına qarşı mübarizədir”, - Sledoba vurğulayıb.

Analitik bildirib ki, Rusiya həm silah, həm də taktika baxımından “heyrətləndirici sürətlə” irəliləyir.

Qeyd edək ki, daha əvvəl Avstriya Silahlı Qüvvələrinin polkovniki Markus Raysner də bildirmişdi ki, Rusiya ordusu Ukraynada bütün cəbhə xətti boyunca sistemli şəkildə irəliləyir. Onun sözlərinə görə, Rusiya Federasiyası bütün təmas xətti boyunca Ukraynaya böyük təzyiq göstərir. Rusiya Silahlı Qüvvələri Ukrayna Silahlı Qüvvələrini bütün qalan ehtiyatlardan istifadə etməyə məcbur edir.