Rusiya silahlı qüvvələri ağır FAB-1500 mərmiləri ilə Ukrayna qoşunlarının mövqelərini məhv edə biləcək.

Publikka.az xəbər verir ki, bu barədə britaniyalı analitik Aleksandr Merkuris özünün YouTube kanalında bildirib .

Merkurisə görə, bombalar son dərəcə güclüdür və heç bir artilleriya mərmisi onun partlayıcı gücünə uyğun gələ bilməz.

Ekspert qeyd edib ki, FAB-1500 əvvəllər ukraynalı qırıcılara qarşı istifadə edilən 500 kiloqramlıq sursatdan üç dəfə güclüdür. Onun fikrincə, Ukrayna Silahlı Qüvvələrinin mövqelərinə böyük ziyan vuran belə ağır bombalardan istifadə bütün cəbhə boyu artacaq.

O hesab edir ki, Ukrayna Silahlı Qüvvələrinin Donbassdakı istehkamlarını məhv etmək üçün artilleriyadan daha çox belə bombalardan istifadə ən yaxşı və sürətli strategiyadır.

“Rusiya ordusunun etdiyini düşündüyüm şey budur və yəqin ki, yaxın bir neçə həftə və ay ərzində bunu davam etdirəcəklər” deyə Merkuris yekunlaşdırıb.

Bundan əvvəl Rusiya Müdafiə Nazirliyi də sərbəst düşən bombaları dəqiq idarə olunan sursata çevirən vahid planlaşdırma və korreksiya modulu (UMPC) olan FAB-1500 M54 bombasını nümayiş etdirib . Bu, UMPC ilə sursat xəttindəki ən ağır bombadır.

Bombanın çəkisi 1550 kiloqramdır və içərisində 675 kiloqram partlayıcı var.