Türkiyənin Rusiyanın razılığı olmadan S-400 zenit-raket komplekslərini satmaq hüququ yoxdur.

Bunu Rusiyanın xarici işlər naziri Sergey Lavrov BMT Baş Assambleyasının 79-cu sessiyasının yüksək səviyyəli həftəsində iştirakdan sonra keçirilən mətbuat konfransında deyib.

“Silahların satışı ilə bağlı müqavilələrdə son istifadə sertifikatı haqqında qrafa var... Və bu məhsullarla nəsə etmək üçün bu silahları satan ölkənin razılığı lazımdır”, - Lavrov bildirib.

Sergey Lavrov həmçinin vurğulayıb ki, son istifadə sertifikatının olması silah alqı-satqısı müqaviləsinin məcburi hissəsidir.