Moskvada “Crocus City Hall” konsert zalında terror aktı törədən cinayətkar qrupun ən azı 5 üzvü slavyan görünüşünə malik olub.

Publika.az xəbər verir ki, bu barədə güc strukturlarının mənbələrinə istinadən “Kommersant” qəzeti yazıb.

Qeyd olunur ki, terrorçular slavyan görünüşünə malikdir və orta boydan yuxarı, ən azı 180 santimetrdir. Hücum edənlərin maskalamaq üçün saxta saqqal və bığlardan istifadə etdiyi güman edilir.

Nəşrin bəzi mənbələri iddia edir ki, hücum edənlər 2023-cü ilin yazından yaraqlıları Ukrayna ərazisindən Kursk və Belqorod vilayətlərində yaşayış məntəqələrinə hücum edən Rusiya Könüllülər Korpusu ilə əlaqəli ola bilər.

Cinayəti törədənlər kamuflyaj, döyüş çəkmələri geyinmiş və hərbi və ya hava təlimi keçiblər. Bu cür ehtimallar terrorçuların davranışlarına əsaslanır: onlar girov götürməyiblər, konsert zalında qarşılarına çıxan hər kəsi güllələyiblər.

Hazırda Rusiya Qvardiyasının bölmələri “Krokus Siti Holl”da terror aktında iştirak edən şəxslərin axtarışını davam etdirir. Faciə nəticəsində 100-ə yaxın insan həlak olub.