İrəvanda Azərbaycanın təhvil verdiyi və xəstəxanaya yerləşdirilən 32 erməni əsirinin ailələri ilə polislər arasında qarşıdurma yaşanıb.

Publika.az axar.az-a istinadən xəbər verir ki, yaxınları hərbçiləri ziyarətə gəlsə də, onlar xəstəxanaya buraxılmayıb və bu səbəbdən dava baş verib.

Təfərrüatlar açıqlanmır.

Qeyd edək ki, bu gün Azərbaycan-Ermənistan sərhədinin Qazax rayonundan keçən hissəsində hərbi qulluqçuların qarşılıqlı şəkildə təhvil verilməsi həyata keçirilib. Azərbaycan tərəfində saxlanılan 32 erməni hərbçisinin Beynəlxalq Qızıl Xaç Komitəsi tərəfindən sağlamlıq durumları yoxlanılaraq qənaətbəxş hesab edildikdən sonra müvafiq razılaşmaya əsasən təhvil veriliblər.