Gəncə-Daşkəsən Regional Təhsil İdarəsinin təşkilatçılığı, Gəncə Şəhər İcra Hakimiyyəti, Azərbaycan Velosiped Federasiyası, Gəncə-Daşkəsən Regional Gənclər və İdman İdarəsi, Bank Respublika və Bookzone kitab evinin dəstəyi ilə Gəncə şəhərində "Yaşıl dünya naminə həmrəylik ili" çərçivəsində "ECOVELOFEST" festivalı keçirilib.
Festivalda Regional Təhsil İdarələrini təmsil edən 200 nəfərə yaxın qadın təhsil işçisi velosiped idman növü üzrə yarışıblar.
Dağlıq Şirvan Regional Təhsil İdarəsinin tabeliyində fəaliyyət göstərən İsmayıllı rayon Cülyan kənd uşaq bağçasının müdiri Qasımova Jalə Fəraiz qızı uğur qazanaraq II yerə layiq görülüb.
Sonda qaliblərə "Diplom" və hədiyyələr, həmçinin I yerə 1000 manat, II yerə 600 manat, III yerin sahibinə isə 300 manat məbləğində pul mükafatı təqdim edilib.
Qeyd edək ki, "ECOVELOFEST" festivalının təşkilində məqsəd yaşıl dünya naminə ölkəmizin bütün regionlarının qadın təhsil işçiləri arasında həmrəyliyi təmin etmək, sağlam həyat tərzinin təbliği, regionlarda velosiped idmanının təşviqidir.
Həmkarımızı təbrik edir, ona gələcək işlərində uğurlar arzulayırıq.
#EduAz #DağlıqŞirvanRTİ #YaşılDünyaNaminəHəmrəylikİli #ECOVELOFEST