15 mart 2024-cü il il tarixində Ağsu Rayon İcra Hakimiyyəti və Dağlıq Şirvan Regional Mədəniyyət İdarəsinin dəstəyi, Ağsu rayon mədəniyyət müəssisələrinin təşkilatçılığı ilə Ağsu şəhər Heydər Əliyev Parkında xalqımızın ən qədim bayramlarından biri olan Novruz bayramı qeyd olunub. Tədbirdə Ağsu Rayon İcra Hakimiyyətinin başçısı Rövşən Bağırov, hüquq-mühafizə orqanlarının rəhbərləri, Dağlıq Şirvan Regional Mədəniyyət İdarəsinin rəisi Səxavət Məmmədov, Vətən müharibəsi şəhidlərinin ailələri, qaziləri, iştirakçıları, ictimaiyyət nümayəndələri, rayonunun idarə, təşkilat və müəssisələrinin kollektivləri iştirak ediblər.
Novruzun ənənəvi simvolik personajları olan Dədə Qorqud və Bahar Qız tədbir iştirakçılarını salamlayaraq onlara ən xoş arzularını çatdırıb, gənc rəsm həvəskarlarının Novruzun gözəlliklərini əks etdirən tabloları, xalqımızın milli musiqi alətlərinin, adət-ənənələrin, geyimlərinin sərgiləri, kəndirbazların, rayon idmançılarının, nağaraçıların nümunəvi çıxışları böyük maraqla qarşılanıb və ənənəvi Novruz tonqalı yandırılıb.
Daha sonra rəngarəng musiqi nömrələri, balacaların rəqsləri, Kosa və Keçəlin şən zarafatları, ədəbi-bədii səhnəciklər qonaqlar tərəfindən yüksək əhvali-ruhiyyə ilə qarşılanıb.
Bayramınız mübarək!