Tovuz rayon Düz Qırıqlı kənd Uşaq Musiqi Məktəbində Novruz bayramı münasibətilə “Elimizə bahar gəlir” adlı tədbir keçirilib. Tədbirdə müəllim və şagirdlərlə yanaşı həmçinin, bir qrup valideynlər iştirak ediblər.
Rəsmi hissədə çıxış edən məktəbin direktoru Xəyal Nağıyev tədbir iştirakçılarını Novruz bayramı münasibətilə təbrik edib, tədbirdə iştirak edən valideynlərə təşəkkür edib.
Tədbirdə əsasən şagirdlərin bayram əhval-ruhiyyəli, maraqlı ifalarından ibarət geniş konsert proqramı təqdim olunub. Tədbir bayram tonqalı ətrafında şən oyunlarla, rəqslərlə davam etdirilib.