26 fevral 2024-cü il tarixində Ağdaş rayon Mədəniyyət Mərkəzinin təqdimatında Xocalı soyqırımının 32-ci ildönümünə həsr olunmuş “Qisas qiyamətə qalmadı” adlı tamaşa nümayiş etdirilib.
Ağdaş rayon Heydər Əliyev Mərkəzində keçirilən tədbirdə rayon İcra Hakimiyyətinin, idarə, müəssisə və təşkilatların məsul əməkdaşları, ictimaiyyət nümayəndələri, Mərkəzi Aran Regional Mədəniyyət İdarəsinin rəhbərliyi və aparat işçiləri, rayon ümumtəhsil məktəblərinin müəllim və şagirdləri, mədəniyyət müəssisələrinin əməkdaşları iştirak ediblər.
Tədbir iştirakçıları ilk olaraq mərkəzin foyesində Ağdaş Dövlət Rəsm Qalereyası tərəfindən təşkil edilmiş Xocalı həqiqətlərini əks etdirən rəsm əsərlərindən ibarət sərgiyə baxış keçiriblər. Sonra qalereyanın dərnək üzvlərinin ifalarında şerlər səsləndirilib.
Bədii hissə ilə davam etdirilən tədbirdə ilk olaraq torpaqlarımızın bütövlüyü uğrunda canından keçmiş şəhidlərin və Xocalı qurbanlarının xatirəsi bir dəqiqəlik sükutla yad edilib.
Ağdaş rayon Mədəniyyət Mərkəzinin əməkdaşının çıxışından sonra mərkəzin nəzdində fəaliyyət göstərən Xalq teatrının təqdimatında Xocalı faciəsinə həsr olunmuş “Qisas qiyamətə qalmadı” adlı tamaşa səhnələşdirilib.