Oğuz rayonunda 31 dekabr Dünya Azərbaycanlılarının Həmrəylik Günü və Yeni il münasibəti ilə "Həmrəyliyimiz-birliyimiz əbədidir " adlı tədbir keçirildi.
Dekabrın 30- da Oğuz rayon Mədəniyyət Mərkəzində 31 dekabr Dünya Azərbaycanlılarının Həmrəylik Günü və Yeni il münasibəti ilə "Həmrəyliyimiz-birliyimiz əbədidir " adlı ədəbi-musiqili tədbir təşkil edilib.
Tədbirdə Oğuz rayon İcra Hakimiyyətinin və rayonda fəaliyyət göstərən idarə və təşkilatların əməkdaşları iştirak edib.
Əvvəlcə Azərbaycan Respublikasının Dövlət Himni səsləndirilib. Sonra müstəqilliyimizin və Vətən torpaqlarının azadllığı uğrunda Şəhid olmuş oğullarımızın əziz xatirəsi bir dəqiqəlik sükutla yad olunub.
Daha sonra Oğuz rayon Mədəniyyət Mərkəzinin və klub filiallarının, musiqiçilərinin ifasında, həmçinin Oğuz rayon Uşaq Musiqi məktəbinin , rayonun yaradıcı şəxslərinin təqdimatında Azərbaycana , vətənə həsr edilmiş mahnılar ifa olunub , milli rəqslər təqdim edilib.
Şaxta baba və Qar qızın gəlişi tədbirə bayram sevinci bəxş edib. Onlar tamaşaçıları təbrik edib, xoş arzularını çatdırıblar.
Oğuz rayon ictimaiyyətinin iştirakı ilə təşkil edilən şənlikdə tamaşaçılara əsl bayram sevinci , xoş ovqat bəxş edilib.
31 dekabr Dünya Azərbaycanlılarının Həmrəylik günü və Yeni il münasibətilə bütün azərbaycanlıları təbrik edir, 2024-cü ilin xalqımız üçün əmin amanlıq ili olmasını arzu edirik .