Dağlıq Şirvan Regional Təhsil İdarəsinin müdiri məktəbəqədər təhsil müəssisələrinin müdirləri ilə görüşüb.
Görüş zamanı məktəbəqədər təhsil müəssisələrində aparılmış monitorinqlərin nəticələri təhlil olunub, aşkar edilmiş nöqsanlar və onların aradan qaldırılması istiqamətində görüləcək tədbirlər müzakirə edilib. Eyni zamanda, müəssisələrin fəaliyyətinin daha da təkmilləşdirilməsi, tədris-pedaqoji sənədlərin düzgün tərtib olunması və təhsil prosesinin keyfiyyətinin artırılması ilə bağlı müvafiq tapşırıq və tövsiyələr verilib.
Bununla yanaşı, uşaqların sağlam və hərtərəfli inkişafının təmin edilməsi məqsədilə onların fiziki inkişafına müsbət təsir göstərəcək mühitin formalaşdırılması, sağlam həyat tərzinin təşviqi və bu istiqamətdə dəstəkləyici tədbirlərin həyata keçirilməsinin vacibliyi diqqətə çatdırılıb.