Son illərdə rəqəmsal media jurnalistikanın simasını dəyişmişdir. İnternet xəbər portalları, sosial şəbəkələr və mobil tətbiqlər informasiyanın saniyələr içində yayılmasına imkan verir. Bu dəyişikliklər medianın auditoriyasını daha da genişləndirmişdir.
Lakin rəqəmsal mühitdə saxta xəbərlərin yayılması təhlükəsi də mövcuddur. Bu səbəbdən peşəkar jurnalistikanın rolu daha da artır. Oxucular etibarlı mənbələrə üstünlük verir və obyektiv mediaya daha çox inanırlar.
Azərbaycan mediası yeni texnologiyalardan istifadə etməklə yanaşı, milli jurnalistika ənənələrini də qorumağa çalışır. Bu, gələcək inkişaf üçün mühüm amildir.
22 iyul Milli Mətbuat Günü münasibətilə bütün media əməkdaşlarını ürəkdən təbrik edir, onlara yeni uğurlar arzulayırıq!
Rahim Novruzov
Dağlıq Şirvan Regional Təhsil İdarəsinin müdir müavini