Bakının Sabunçu rayonunda iki avtomobilin toqquşması nəticəsində 3 nəfər xəsarət alıb.
“Report”un məlumatına görə, rayonun Balaxanı qəsəbəsində yol-nəqliyyat hadisəsi zamanı 1986-cı il təvəllüdlü Fərrux Sərvər oğlu Abdulkərimov, 1975-ci il təvəllüdlü Zaur Hacıbaba oğlu Mehtiyev və 1986-cı il təvəllüdlü Tunar Cavad oğlu Musayev xəsarət alıblar. Yaralılar təcili tibbi yardımın köməyi ilə xəstəxanaya çatdırılıblar.
Hadisənin təfərrüatı araşdırılır.