Rusiya Prezidenti Vladimir Putin Dağlıq Qarabağla bağlı razılaşmanın tam şəkildə ardıcıl olaraq həyata keçirildiyini deyib.
Bu barədə Rusiya Prezidenti Vladimir Putin MDB Dövlət Başçıları Şurasının bugünkü iclasında bildirib.
O, qeyd edib ki, Rusiya sülhməramlıları vəziyyəti sabitləşdirmək üçün əllərindən gələni edirlər.
“Artıq Rusiyanın Dağlıq Qarabağ bölgəsində qan tökülməsini dayandırmaq, tam atəşkəsə nail olmaq və sabitləşmə prosesinə başlamaq üçün müəyyən vasitəçilik səyləri gördüyü qeyd edilib. Eyni zamanda, ATƏT-in Minsk qrupunda əldə olunan əsas razılaşmalara əməl etməyə çalışdıq”, - deyə Putin vurğulayıb.