Tavuş vilayətində 39 yaşlı muzdlu hərbçi yaralanıb.

Axar.az xəbər verir ki, bu barədə erməni mediası məlumat yayıb.

Adı açıqlanmayan hərbçinin gecə 2-3 radələrində qarşı tərəfdən açılan atəş nəticəsində yaralandığı bildirilib.

Qeyd edək ki, Azərbaycan Müdafiə Nazirliyi Ermənistanın Berd rayonunun Mosesqex, Çinari və Ayqedzor kəndlərində yerləşən mövqelərdən Tovuz rayonunun Ağdam, Ağbulaq, Muncuqlu kəndlərində yerləşən mövqelərimizi iriçaplı pulemyotlardan, snayper tüfənglərindən və 60 millimetrlik minaatanlardan da istifadə etməklə atəşə tutulduğunu bildirmişdi.