Sizin reklam burada
Sizin reklam burada

Mədəniyyətə ayrılan büdcə pulları ŞƏKİDƏ BELƏ YEYİLİB - FAKTLAR

Mədəniyyətə ayrılan büdcə pulları ŞƏKİDƏ BELƏ YEYİLİB - FAKTLAR
Azərbaycanda mədəniyyət sahəsinə olunan diqqət digər sahələrə olunandan xeyli fərqlənir. Prezident İlham Əliyev istər dövlət xətti ilə,istərsə də şəxsi münasibətlər zəminində mədəniyyət işçilərinin qayğı və problemlərinə daim həssaslıqla yanaşır,diqqət göstərir. O cümlədən birinci Vitse-prezident Mehriban xanım Əliyeva da. Dövlət və Heydər Əliyev Fondu xətti ilə mədəniyyət işçilərinə olunan köməkliklərdən başqa, Mehriban Əliyevanın şəxsi təşəbbüsü ilə bu sahə üçün gördüyü işləri zənnimizcə saymaqla bitməz, qurtarmaz. Bəs mədəniyyət işçiləri necə, bu sahənin inkişafı üçün birinci şəxslərin gördüyü işlərin heç olmazsa bir faizini edə bilirlərmi? Təbii ki,yox. Bu gün mədəniyyət sahəsinə rəhbərlik edənlərin bir çoxu büdcə pullarını hara gəldi xərcləməklə məşğuldurlar. Bir çox aidiyyatı orqanlar isə,bu israfçılığa,bu talançılığa sadəcə göz yumur, seyrçi qalmaqla kifayətlənirlər.

Aktualinfo.org saytında Şəki Regional Mədəniyyət İdarəsində bir sıra qanunsuzluqlara yol verildiyini özündə əks etdirən silsilə yazılara Baş Prokurorluq yanında Korrupsiyaya Qarşı Mübarizə Baş İdarəsi niyə biganə qalır, Respublika Hesqablama Palatası, Maliyyə Nazirliyi niyə dərhal yoxlamalara başlamırlar? Yuxarıda qeyd etdiyimiz kimi, Mədəniyyət Nazirliyi də hələ ki, susqunluq göstərməkdədir. Nazir Əbülfəs Qarayevi demirik, niyə Mədəniyyət Nazirliyinin digər səlahiyyətli şəxsləri, məsələn Maliyyə və uçot şöbəsinin müdiri İmran Mədətov, İqtisadiyyat və planlaşdırma şöbəsinin müdiri Sima Həsənova, Hüquq və daxili nəzarət şöbəsinin müdiri Namiq Qulamov Şəki Regional Mədəniyyət İdarəsində baş verən maliyyə pozuntuntularına münasibət bildirmirlər? Mədəniyyət Nazirliyi Şəki Regional Mədəniyyət İdarəsinin elan etdiyi tender yolu ilə odun yanacağının neçəyə alındığı və harada yandırıldığı barədə geniş ictimaiyyətə niyə açıqlama vermir? Qeyd edək ki Şəki Regional Mədəniyyət İdarəsinin müdiri Mirvari Zeynalova Aktualinfo.org-a verdiyi yazılı açıqlamada hazırda idarənin balansında 512 odun sobasının olduğunu bildirmişdi. Lakin xanım müdir odunun kubunun neçəyə aldıqları barədə məlumat verməmişdi.

Aktualinfo.org ötən yazıda qeyd olunanları bir daha xatırlatmaq istəyir ki, “Qarabulaq”MMC tərəfindən odun qırıntısının kubunun neçəyə alındığı barədə məlumat göstərilməsə də Mirvari Zeynalovanın verdiyi məlumatlara əsasən özümüz hesabladıq. Onun məlumatına görə idarə 101811.51 manata 2909 kubmetr odun qırıntısı alınıb. Məntiq var 101811.51 manata 2909 kubmetr ağac harada görsənib? Bir kubmetri 35 manata odun qırıntısını”Qarabulaq” MMC hansı ağılla satın alıb? Qeyd edək ki hazırda Şəkidə, qara bazarda odun qırıntısının kubmetri 15 manatdır. 101811.51 manata isə 15 manatdan 6787 kubmetr odun yanacağı və yaxud da qırıntısı almaq olar. Bu da Mirvari Zeynalovanın göstərdiyi 2909 kubmetrdən az qala üç dəfə çox edir. Bu məsələnin birinci tərəfi. Keçək ikinci qaranlıq məsələyə. Mirvari Zeynalova sanki uşaq başı aldadırmış kimi cavab verir ki, Şəki Regional Mədəniyyət İdarəsinin inzibati binası da daxil olmaqla istifadələrində 512 odun sobası var. Mirvari xanıma bildirmək istərdik ki,bunları Mədəniyyət naziri Əbülfəs Qarayevə desəniz inanar. Çünki, o şəhərdə böyüyüb və odun sobası yandırmayıb. Amma rəhbər xanımın diqqətinə çatdırmaq istəyirik ki, Şəkidə,dağ kəndində bir ailənin, bütün günü yandırmaq şərtilə bir qışı yaza çıxarmasına 10 kubmetr odun yanacağı kifayət edir. Yuxarıda qeyd etdiyimiz kimi, kübmetri 15 manatdan alınarsa bu 700 ailənin bir qış istifadə edə biləcəyi odun yanacağı deməkdir. Hərçənd, çox sifarış verdikdə odun qırıntısını qiyməti 15 deyil, 13, yaxud 12 manata da almaq mümkündür. Bəs görəsən Şəki Regional Mədəniyyət İdarəsinin istifadəsində olan 512 odun sobası nə vaxtlar qızdırılır? Ötən yazıda da qeyd etdiyimiz kimi,kənd klub,kitabxana və mədəniyyət evlərinin əksəriyyətinin qapısı günlərlə açılmır.Qış aylarında isə ümumiyyətlə. Gün ərzində 5-6 saat açılan klub və kitabxanalarda isə ay ərzində 1-2 kubmetr odun yandırmaq olmaz.. İş saatlarında 512 odun sobası tam qızdırılsa belə, qış ayları ərzində 2000 kubmetr odun yanacağı ancaq istifadəı olunar. Odur ki,Mirvari xanım,siz Mədəniyyət naziri Əbulfəs Qarayevi aldada bilərsiniz,bizi yox…Bu 2018 ci il üçün alınmış və artıq “yandırılmış”odunmu, pulmu, deyək bilmirik, bəs 2019-cu il üçün alınmış 100975 manatlıq odun yanacağı haradadır? Maraqlıdır bu il odunun kubmetri neçəyə alınıb?Qiymətlər qalxmayıb ki?

Şübhəli məqamların olduğu digər tenderlərə nəzər salaq. Şəki Regional Mədəniyyət İdarəsinin 23.04 2019 cu ildə keçirdiyi tenderin qalibi olmuş “İnpexs N”MMC barəsində artıq dövrü mətbuatda qalmaqal yaratmış məlumatlar yayılmışdır. Nizamnamə kapitalı 10 manat olan bu MMC-nin ünvanı belə bəlli deyil. Bəs ünvanı belə bəlli olmayan bir MMC ilə Şəki Regional Mədəniyyət İdarəsini nə kimi tellər bağlayır? Bəs barəsində heç bir məlumat olmayan”İnpexs N” MMC Şəkiyə kimin vasitəsi ilə ayaq açıb? Mədəniyyət Nazirliyinin xətti ilə, yoxsa Şəki rayon İcra Hakimiyyətinin başçısı Elxan Usubovun vasitəsi ilə? Qeyd edək ki Şəki Regional Mədəniyyət İdarəsinin elan etdiyi bərk inventar, avadanlıq, digər maşın və avadanlıqlar üzrə 125800, digər maşın və avadanlıqlar üçün 50260, yumşasq inventarlar üçün isə 53055 manat vəsait məhz “İnpexsN” MMC vasitəsilə allah bilir hansı qiymətlərə alınıb, hansı qiymətlərə rəsmiləşdirilməsi çoxlu suallar doğurur. Bütün bunların hamısının cavabı isə Hesablama Palatasının və Korrupsiyaya Qarşı Mübarizə Baş İdarəsinin bir yoxlamasından bəlli olar.

Araşdırılacaq digər məsələ isə 3 saylı Ərazi Vergilər İdarəsində qeydiyyyatdan keçmiş vergi uçotu orqanının ünvanı Quba rayonu Quba şəhəri, yeni körpü küçəsi göstərilən fiziki şəxs Güləliyev Sakit Siracəddin oğlunun Şəki Regional Mədəniyyət İdarəsinin elan etdiyi cari təmir işlərinin satınalması üzrə keçirilmiş tenderin qalibi olmasıdır. Quba rayon sakinin Şəkidə 177473.5 manatlıq işin qalibi olması şübhə doğurmurmu? İdarə təmir işlərini harada aparıb? Mirvari Zeynalovanın özünün də qeyd etdiyi kimi,idarənin tabeliyində 375 mədəniyyət müəsisiəsi var. Elan olunmuş tenderdə təmir işlərinin hansı müəsisiədə aparılması niyə göstərilmir? Bu birinci tərəfi.Digər tərəfdən Güləliyev Sakitə tenderin qalibi olmasında hansı yüksək göstəricilərinə görə üstünlük verilib?Zonada,yəni Şəki Regional Mədəniyyət İdarəsinin fəaliyyət dairəsindən tenderdə iştirak edən bir nəfər yoxuydumu və yaxud qanuni fəaliyyət göstərən bir MMC tapılmadımı ki, idarə bu tenderin qalibini məhz Quba rayon sakinini elan etdi?

21.02.2019 Vergilər Nazirliyinin Bakı şəhəri Lokal Gəlirlər Baş İdarəsində qeydiyyatdan keşmiş “SALMANOGLU MEBEL 2019” Məhdud Məsuliyyətli Cəmiyyətin hüquqi ünvanı Bakı şəhəri,Nizami rayonu, Qara Qarayev küçəsi, qanuni təmsilçisi isə Mikayılov Ülfət Salman oğludur. Nizamnamə Kapitalı 10 manat olan bu MMC-nin də fəaliyyəıtində şübhə doğuran məqamlar çoxdur. Şəki Regional Mədəniyyət idarəsinin 21.05 2018 ci ildə qalib elan etdiy “Salmanoğlu Mebel” MMC fevralda yaranıb mayda qalib elan olunub. Üç aylıq MMC hansı keyfiyyətinə görə qalib elan olunub? Bu Tender əməliyyatında da satınlmalar haqqında Azərbaycan Respublikası qanununun tələblərinə riayət olunubmu? İnventarların alınması üzrə 164358 AZN-lik satınalmanın qalibi olan bu MMC nin də fəaliiyyəti digərlərindən fərqlənmir.

Ümumiyyətlə Şəki Regional Mədəniyyət İdarəsinin elan etdiyi bütün tenderlər şübhəli məqamlarla doludur.İstər dəftərxana ləvazimatlarının alınması,istər tədbrlərin keçirilməsi üçün elan olunmuş bütün tenderlər qeyri şəffaf aparılıb, “Dövlət satınalmaları haqqında”Azərbaycan Respublikası Qanununun tələbləri demək olar ki,bütün hallarda pozulmuşdur.Bu qanun pozuntularının nə vaxta qədər davam edəcəyi isə,bəlli deyil.
Aktualinfo.org

  • Sosial şəbəkədə paylaş
XƏBƏR LENTİ