Ailə TV işçilərini qapı-qapı salıb aylıq ödənişləri yığdırır. Reportyor.info-nun xəbərinə görə, bu barədə jurnalist Vüsalə Rüstəmova facebook səhifəsində yazıb.

Onun sözlərinə görə, qapıya gələn inkassatora “qapı-qapı düşüb pul yığmanız təhlükəlidir axı?” söyləyib. Ailə TV əməkdaşı isə “Hansı virus? Virus-zad yoxdur” cavabı ıverib.
V.Rüstəmova qeyd edir: “Deyirəm, “sən inanmaya bilərsən, amma şirkət məsuliyyət daşıyır, sabah sənin kimi qapı-qapı gəzən işçilərə bir şey olsa, o şirkətə heç nə olmayacaq, amma sizin ailələrinizə yazıq olacaq”.

Maraqlıdır, Ailə Tv risk qrupuna daxil olan işçilərini ödənişli məzuniyyətə göndərə bilmir, ya abonentlərinə 1 ay güzəşt edə bilmir? Axı ölkədə xüsusi karantin rejimi elan edilib, küçəyə 2 saatlıq çıxmaq olar və ödənişlər ya dondurulur, ya da onlayn şəkildə həyata keçirilir. Ailə TV rəhbərliyi isə işçilərini təhlükəyə atır.

Reportyor.info