2022-2023-cü tədris ilində Bakı Şəhəri üzrə Təhsil İdarəsinin tabeliyində fəaliyyət göstərən təhsil müəssisələrinə yeni işə qəbulo olunmuş müəllimlər üçün adaptasiya proqramı həyata keçirilib. Proqram Təhsildə İnkişaf və İnnovasiyalar üzrə VI Qrant Müsabiqəsinin ümumi təhsil kateqoriyası üzrə qalib layihələrdən biri olan ““Sərişətli müəllim”- yeni işə qəbul olunmuş müəllimlərin adaptasiya proqramı” layihəsi çərçivəsində reallaşdırılmışdır. Layihə rəhbəri Bakı Şəhəri 158 nömrəli tam orta məktəbin direktoru Mehriban Ələkbərovanın olduğu proqramın icrası cari tədris ilinin oktyabr ayından başlamışdır. Layihənin məqsədi yeni işə qəbul olmuş müəllimlərin iş mühitinə və tədris prosesinə rahat uyğunlaşdırılmasına nail olmaq idi. Məkan olaraq Bakı Şəhəri Məktəb Lisey Kompleksində təşkil olunan təlimlərdə iştirakçılara “Tədris-pedaqoji sənədlərlə işin təşkili”, “Şagirdlərlə işin təşkili”, “Sinfin idarə olunması”, “Öyrədici mühitin yaradılması”, “Qiymətləndirmə vasitələrinin hazırlanmasına qoyulan tələblər”, “ Elektron tədris resurslarının hazırlanması” “İnovattiv ideyaların yaranması”, “Uğurlu şagird-valideyn-məktəb tandeminin qurulması”, “Komanda ruhunun formalaşması”, “ Uğurlu karyeranı necə qurmalı” istiqamətində peşəkar dəstək verilmişdir. Müasir təhsil sistemi müəllimlərin qarşısına qoyulan tələbləri pedaqoji fəaliyyətin səmərəliliyini təmin edən peşə keyfiyyətlərinin imperativ (qeyri-şərtsiz) sistemi kimi formalaşmasını tələb edir. Müəllimə verilən başlıca tələb onun peşə kompetensiyalarına malik olmasıdır. Müəllimin şəxsi keyfiyyətləri hesab olunan pedaqoji kompetensiyalar onun uşaqlara məhəbbətində, onlarla işləməkdən və ünsiyyətdə olmaqdan həzz almaqda özünü göstərir. Layihənin icrası zamanı icraçı komanda yeni işə qəbul olunmuş müəllimlərin iş və tədris mühitinə adaaptasiyası, onların valideyn-şagird münasibətinə səriştəli münasibəti, həmkarları ilə uğurlu münasibəti, təhsil mühitinə yeni innovativ ideyalar gətirmək motivasiyasını təmin etməyə çalışmışdır. Layihənin icrası akademik bacarığı, tədris təcrübəsi və peşəkarlıq səviyyəsi ilə fərqlənən keyfiyyətli müəllim kadrlarının hazırlanmasına, eyni zamanda təhsil strategiyasında bir vəzifə kimi qarşıya qoyulan təhsil sisteminin bütün pillələrində müəllimlərin bilik, bacarıq və peşəkarlıq qabiliyyətlərinin müasir tələblərə uyğun yüksəldilməsi, müvafiq stimullaşdırıcı mexanizmlər və səmərəli monitorinq sistemi vasitəsi ilə müəllim fəaliyyətinin keyfiyyətinin artırılması ideyasının reallaşmasına istiqamətlənmişdir. Hesab edirik ki, layihənin iştirakçılarında sinfin idarə olunması, tədris-pedaqoji sənədlərlə iş, şagirdlərlə işin təşkili, öyrədici mühitin yaradılması, inovattiv ideyaların yaranması, uğurlu şagird-valideyn-məktəb tandeminin qurulması, komanda ruhunun formalaşması istqamətində yetərincə peşəkar kompetensiya formalaşmışdır. 25 aprel 2023-cü il tarixində baş tutan bağlanı mərasimində iştirakçılara müvafiq sertfikatlar təqdim olunmuşdur. Layihənin icraedici komandası hazırlanmış təlim materialları və əldə edilmiş təcrübə əsasıında növbəti tədris ilində də layihənin ictiami əsaslarla reallaşdırmağı nəzərdə tutur.